Hvar eru Píratarnir sem fóru með himinskautum?
Yfirlitsgrein í Lífinu á Vísi sem rekur sögu Pírata frá stofnun og hvað orðið hefur um ellefu þingmenn flokksins frá blómaskeiði hans 2015 til 2016. Efnið er að mestu sótt í eldri fréttir, viðtöl í öðrum miðlum og samfélagsmiðla.
Ferill ellefu fyrrverandi þingmanna er rakinn í greininni, en enginn þeirra virðist hafa verið spurður neins. Upplýsingar um núverandi störf koma af LinkedIn, Facebook-síðum og úr eldri viðtölum, og að stærstum hluta er efnið endurunnið úr safni Vísis, eins og tilvísanirnar „Sjá einnig“ bera með sér. Heimildir eru þó skilmerkilega nefndar, Stundin, Heimildin, DV og Rúv, og samantektin er vönduð og læsileg. Fyrir yfirlitsgrein er það traustur grunnur, en stutt samtal við hvern og einn hefði gert hana að frásögn fremur en safnvinnu.
Þar sem deilur eru rifjaðar upp er yfirleitt gætt að báðum hliðum. Helgi Hrafn og Björn Leví svara ásökunum Gunnars Hrafns og Smári fær að svara fyrir byssumyndir og námsferil. Undantekningin er Birgitta: ásakanir um andlegt ofbeldi eru endurteknar, en svar hennar nær aðeins til fundarins 2019, ekki til ásakananna sjálfra, og ekki var leitað til hennar nú.
Í lokasetningunni fellur blaðamaðurinn sjálfur dóm. Orðin „þjóðarmorðinu í Palestínu“ standa í rödd greinarinnar, ekki sem orð Þórhildar Sunnu eða mótmælenda. Slíkt orðalag á heima innan tilvitnunar.
