„Við erum að búa til samfélag hálfvita“
Frétt Vísis byggir á viðtali við Gunnar Helgason í Bítinu á Bylgjunni þar sem hann gagnrýnir niðurskurð til Bókasafnssjóðs í fjárlagafrumvarpi. Tölur um útlán eru sóttar til Hagstofunnar og Rithöfundasambandsins, en engin rödd stjórnvalda eða Hljóðbókasafnsins kemur fram. Alvarleg fullyrðing um stjórnarskrárbrot fær að stanad óáreitt.
Þyngsta fullyrðing fréttarinnar er líka sú sem síst er unnin: að Hljóðbókasafn Íslands hafi lánað út verk höfunda í trássi við 72. grein stjórnarskrárinnar um eignarrétt. Greinargerð Réttar lögfræðistofu er nefnd sem grundvöllur, en hún er hvorki tilvitnuð né útskýrð, og hvorki safnið né menntamálaráðuneytið fá orð í belg. Þar er kjarninn: stjórnarskrárbrot er ekki lýsingarorð sem má renna óáreitt í gegn.
Talnavinnan er hins vegar til hróss. Útlánstölur eru merktar Hagstofunni með tímabili, samantekt Rithöfundasambandsins er nefnd sem heimild, og niðurskurðurinn úr 224,5 í 142,3 milljónir er rakinn til fjárlagafrumvarpsins. Lesandi getur gengið að þessu.
En raddflóra greinarinnar er einsleit. Einn viðmælandi, tekinn upp úr útvarpsviðtali á sömu miðlasamstæðu, ber alla frásögnina; formaður Rithöfundasambandsins er nefndur úr eldra Vísisviðtali og styður sama sjónarmið. Ásökun um „hefndaraðgerð“ og heimsku stjórnvalda kallar á að einhver úr fjármála- eða menntamálaráðuneyti sé spurður hvers vegna framlagið er lækkað. Ekkert slíkt svar er sótt, og fréttin verður þannig boðberi máls fremur en umfjöllun um það.
